Power View SEE е дел од современи регионални активности во областа на дигитализација на електроенергетски објекти, мониторинг на високонапонска опрема и развој на напредни софтверски решенија за енергетскиот сектор. Компанијата е вклучена во едни од најголемите проекти за дигитализација на електроенергетската инфраструктура во регионот, со фокус на паметни трафостаници, мониторинг системи, дигитални близнаци и напредна анализа на податоци.

Електроинженер за техничка
продажба и инсталации

Област: електроенергетика, висок напон, мониторинг и дигитализација

Компанијата Power View SEE има потреба од Eлектроинженер за техничка продажба, презентација и поддршка при инсталација на мониторинг, мерна и испитна опрема за високонапонска електроенергетска опрема.

Опис на работната позиција:

Работната позиција опфаќа комуникација со клиенти, техничка презентација на опрема и софтверски решенија, подготовка на понуди и документација, како и техничка асистенција при проекти, набавка и инсталации.

Кандидатот ќе има можност да работи на современи инженерски решенија поврзани со високонапонска опрема, мониторинг системи и дигитализација на електроенергетски објекти, во рамки на проекти кои имаат значајна регионална и меѓународна примена.

Главни работни задачи:

  • Комуникација со домашни и странски клиенти и презентација на мерна, мониторинг и испитна опрема;
  • Техничка презентација на опрема, софтверски решенија и нивните предности пред енергетски компании, индустриски корисници и проектни партнери;
  • Подготовка на техничка и комерцијална документација, понуди и материјали поврзани со продажба и презентација;
  • Технички маркетинг и промоција на решенија преку LinkedIn, социјални мрежи и директна комуникација со компании;
  • Контакт со клиенти преку телефон, е-пошта и состаноци во живо;
  • Техничка асистенција при инсталација на мониторинг опрема и опрема за испитување на високонапонска опрема;
  • Поддршка при нарачка, координација и следење на испорака на опрема;
  • Учество во реализација на проекти од областа на електроенергетиката, мониторингот, паметните трафостаници и дигитализацијата;
  • Поддршка во активности поврзани со регионални и меѓународни проекти, вклучително и ЕУ Horizon проекти.

Потребни квалификации:

  • Познавање од областа на електротехника и електроенергетика;
  • Завршено најмалку средно или високо образование од техничка струка (предност: насока електроенергетика, висок напон или енергетски системи);
  • Компјутерски познавања;
  • Познавање на англиски јазик;
  • Возачка дозвола Б категорија;
  • Организираност, комуникативност и подготвеност за учење;
  • Интерес за современи технологии, мониторинг системи, дигитални решенија и техничка продажба.

Локација:

  • Канцеларии во Скопје – Центар;
  • Повремена теренска работа во зависност од проектните активности.

Што нудиме:

  • Работа во компанија вклучена во значајни проекти за дигитализација на електроенергетскиот сектор во регионот;
  • Можност за работа со современа мониторинг, мерна и софтверска технологија;
  • Практично искуство со високонапонска опрема, трафостаници, електроенергетски објекти и дигитални платформи;
  • Можност за комуникација со домашни и странски компании, инженери и проектни партнери;
  • Динамична техничка средина со можност за професионален развој.

Профил на кандидат:

Бараме самостојна, проактивна, одговорна и организирана личност, со интерес за електроенергетика, високонапонска опрема, мониторинг системи, дигитализација и техничка продажба.

Доколку сакате да бидете дел од компанија која работи на едни од најзначајните проекти за дигитализација на електроенергетската инфраструктура во регионот, Ве покануваме да ја испратите Вашата биографија преку белото копче Аплицирај.