Дали сакате да бидете дел од позитивни промени и да ја „обликувате“ заедницата преку сопствена иницијатива? Дали сте на возраст од 18 до 27 години? Сакате одлична дружба, размена на идеи и вмрежување со млади професионалци и лидери од целиот свет? Ако одговоривте да на овие прашања, можеби токму ВИЕ сте новиот Шејпер кој го бараме!

 

АПЛИЦИРАЈ ЗА ГЛОБАЛ ШЕЈПЕР!

 

Кои сме ние?

Глобал Шејперс Скопје Хаб е дел од Заедницата на Глобал Шејперс (Global Shapers Community) која e инцијатива на Светскиот економски форум (World Economic Forum – WEF). Таа е мрежа од над 10.100 Шејпери и над 450 хабови ширум светот, равиени и водени од млади индивидуалци кои се исклучителни во својот потенцијал, успесите и постигнувањата кои ги имаат зад себе и желбата да придонесат во нивните заедници.

Што е Шејпер?

Шејперите (Global Shapers) се високо мотивирани млади луѓе, на возраст 18-27 години, кои имаат голем потенцијал за идни лидерски улоги во општеството. Тие се избрани врз основа на нивните постигнувања, лидерски потенцијал и посветеност да направат разлика и да ја „обликуваат заедницата” во која работат и живеат.

Добредојдени се сите млади на возраст до 27 години, кои се успешни во областите во кои дејствуваат и кои сакаат да работат на иницијативи и идеи кои поттикнуваат младинско учество, активизам, претприемништво и останати теми кои ги засегаат младите.


Што треба да направат младите за да се пријават?

Пополнете ја пријавата на следниот линк: https://forms.gle/qpcLFj2WvfSQxzio7 и испратете ни ја вашата биографија/CV на skopjeshapers@gmail.com .Рокот е до 10.04.2022.

 

Ве очекуваме!

Глобал Шејперс Скопје Хаб

Global Shapers Community World Economic Forum - WEF активизам Глобал Шејперс Скопје Хаб идеи млади младинско учество Претприемништво шејпер