Магационер

Fashion Group повеќе од 20 години важи за најголема малопродажна модна групација во земјава, а во нејзиното портфолио ќе најдете некои од најголемите светски реномирани брендови како Hugo Boss, Diesel, Guess, Bitsiani, Mango, Springfield, Okaidi, Superdry, Timberland и други. Нашата цел од самиот почеток, па сè до денес е да му овозможиме на секој наш клиент да го изгради личниот стил и да експериментира со истиот, одбирајќи ги парчињата на светските брендови.

Нашите вредности го рефлектираат она вистинското на компанијата, но и на сите брендови чии франшизи ги претставуваме – воздигнувањето на личниот стил над модата со помош на уникатните сезонски колекции.

Вработените во нашата компанија чиј број постојано се зголемува, се тим индивидуалци и креативци кои постојано работат на развивање нови идеи за соодветно претставување на вредностите на компанијата. Постојано се обидуваме да го пронајдеме најдоброто во нашите вработени и заедно да работиме на нивните амбиции, бидејќи кога се инвестира во нивниот развој, не само што го зголемуваме нивниот професионален капацитет, туку и ја зголемуваме и успешноста на целата наша организација.

Fashion Group го проширува својот тим,
има потреба од вработување на:

Магационер

Главни обврски и одговорности:

• Прием и потврда на примени производи и обезбедување на нивен истовар;
• Отварање, складирање на примените производи и тековно дополнување на истите;
• Подготовка на производите за продажба (скенирање, лепење декларации и сл.);
• Управување со залихи на производи;
• Учество во пописи;
• Водење на грижа за соодветната документација за прием, издавање на производите;
• Достава на производите до продажните објекти во Скопје и во другите градови;
• Постојано одржување на хигиената и реорганизација на магцинскиот простор според потребите;
• Помош и соработка во оперативни активности на различните сектори.

Потребни квалификации:

• ССС/ВСС;
• Познавање на работа на компјутер;
• Познавање на работа со софтвери за водење залиха;
• Работа со PDA апарат/псион и слични уреди за внес на шифри на производи;
• Пожелно работно искуство 1-3 години;
• Возачка дозвола: Б категорија задолжително, Ц категорија пожелно;
• Навременост и самостојност во извршување на работните задачи.

Доколку сметате дека ги поседувате потребните вештини аплицирајте преку белото копче Аплицирај со назнака „Магационер“.